我個小宇宙! XD

26.4.2012 SEOUL DAY 3~

琴日輸左煮早餐,所以今日早左起身去準備
MT負責放TEDDY, 我負責放佢 哈哈
我地一起落樓,我去7仔買早餐要用既野

點知7仔冇開到..可能個店員去左WC
於是我放美婷係樓下行左陣
見到7-11開...買面包就上返樓了~~

留下美婷同TEDDY係樓下談情 

煮滑蛋我強項..哈哈哈哈

今日去海鮮市場~~(鷺粱津)
轉左幾程火車~
 

啊!!!!!!!!!!!!!!!!!!!!!
好靚既鐵路VIEW!!!!!!!!!!
藍天呀!!!!!!!!!!!!!!!!!!!!!! 

BTW, 因為今早太早起身,買左COFFEE飲
反正都睇唔明韓文, 以外貌判斷買左呢個
點知....................... 

伏已中..................................我覺得呢個係咖啡水

呢個故事教訓我地不能以貌取咖啡。

一個轉彎射個三分波之下,我地來到海鮮市場了!!!!

望落去個市場都幾靚,色彩對比好丰富

哈哈哈哈哈蝦哈哈哈 

行左一個圈,睇下有咩海鮮
終於展開今日既LUNCH!!!

賣海鮮同食野既地方係分開既,
賣海鮮既老闆介紹左一間俾我地..

首先,要除鞋入去, 然後... 坐低...哈哈哈哈哈

呢個係八爪魚刺身
未死哂,會吸住你條利同...筷子...哈哈 

一雞兩味既大大粒帶子, 有幾大? 大過我沙煲咁大既拳頭
一個係刺身,一個係BBQ 

呢個蝦去左BBQ, 簡稱「蝦BB好Q」

呢個係.....蜆湯(?!)
我個陣明明做左個炒蜆既動作..佢理解做煮湯(拍頭) 

送既泡菜

呢四粒野係賣海鮮個個人送既, 難食到你唔信=__=
我一吃落口, 成個海係我口中爆發......
呢個故事教訓我地便宜莫貪。

BTW,講到中伏既話..以下呢個榮登榜首
首先,我地睇下佢個樣
  

香港人應該未見過,因為佢係韓國獨有既...
就係因為香港冇,我地就叫左兩粒來試下 
然後..我終於明白香港點解會冇..... 

吃法:刺身

聽聞係腥到不得了...聽聞?!   對, 因為我冇食到
擺到明係伏!!!!!! 
成個「伏」字鑿左係額頭 
我打死都唔食(人渣)...哈哈哈哈

埋單: 海鮮W50000+加工W38000=88000
本身,我地用香港人食海鮮既角度覺得幾平,算係正常價位
本身,仲覺得幾抵食,有一絲既開心

BUT, (人生最無奈就是這個BUT by 九把刀) 
堂哥事後同我地講佢買埋魚加好多野都係w50000,加工費仲係好平既......
shit!!!!!!!!!!
原來我地食貴左,被騙了!!! 
重點係我地仲要覺得自己抵左..嗚嗚嗚嗚
是香港的物價太高? 造成我們的錯覺嗎? 

搖頭又尾擺~我地去樂天世界了!!vvvvv
 

um,門票有分幾種, 我地本來決定買貴d個隻
俾錢個陣,突間平左好多 
唔通因為美婷生得靚所以有得平?
我諗冇可能嫁wor......
後來先知佢俾左情侶優惠我地..哈哈哈哈
唔理佢點分派, 總之我地就著數左!!

 
d韓國人好中意影相,仲要拎住地圖影,成個強國人咁 (苦手) 

入到去先發現....原來樂天世界係70%室內,30%室外
我們前一日仲因為下雨既調左行程 (蠢左) 

呢個熱氣球我覺得幾特別,我地由高望下, 
順便決定要玩D咩 

*暗語 我們在這裡遇上了椒仔, 等坐熱氣球既時候,我終於忍不住說了出來(羞!!)

LUNCH~~~~~~~~~~~

佔30%既室外XD!!

 
呢張好鬼白痴..哈哈 「看我的 飛龍在天」 

樂天世界好多人呀...玩咩野都要排隊

累得好快呀我 HP急速下降

晚上8點幾既時候,佢地去左玩, 累得濟, 我去左隔離食住雪糕等佢地XD

green tea yogurt~ 

係樂天世界出返來的時候,已經很晚了...
我地返返去明洞附近食晚飯
點知個陣接近11點,很多店舖關門了...

係街上係咁亂撞
終於搵到有野食...感動

呢餐係食人參雞湯-W-

晚上玩鋤大D,照舊係 輸左的人負責明天的早餐!XD
又是很晚睡的一天哎!!